Kunstnar og forkynnar: Ope brev til Russlands utanriksminister

Herr Lavrov.

Du kjem nok aldri til å lesa det eg skriv. Men eg lurer på kva du tenkjer på når du har lagt deg om kvelden. Får du sova godt?

Tenkjer du nokon gong på dei fleire tusen foreldre som er i angst og uvisse for sønene sine som du og den maktsjuke kamerat Vladimir har sendt ut i ein meiningslaus krig?

Er det så at de har ordna med krematorier på hjul så de slepp å senda dei døde heim i likposar?

Du framstiller Nato som den aggressive part. Eg veit ikkje om eit einaste Natoland som har tankar om å angripa Russland.Nato er ei rein forsvarspakt.

Nektar du framleis for at Russland har gått til krig mot Ukraina?

Lavrov kaller pavens uttalelser «ukristelige»

Du er visst rundt 73 år gamal, eg er 84 år. Du virkar til å vera ein klok mann. Men bruk klokskapen din til å gi opp den meiningslause menneskeofring du er med på. Eg får meg ikkje til å tru at du er glad for det som skjer.

Tenk om du kunne bruka dine siste år til noko godt og ikkje gå over i historien som medskuldig til titusenvis av døde menneske.

Det hjelper ikkje deg om de har ein utspjåka erkebiskop som heiter Kirill. Han velsignar visstnok atomvåpna som de disponerer.

Han har nok ikkje lese mykje i Det nye Testamentet om at våre våpen er åndelege og ikkje laga av stål og jern.

Sæle er dei som skaper fred, sa Jesus.

Du skulle kjent litt meir til han.