Kva er årsakene til at så mange vel å ikkje få barn i 20-åra?

Det er mykje offentleg debatt om at det blir betydeleg fleire eldre i samfunnet dei komande tiåra. Både innanfor helsetenesta, trygdesystemet, arbeidslivet og næringslivet diskuterast det kva samfunnskonsekvensar dette kan gi. Men det er mindre merksemd omkring det stadig lågare talet på barnefødslar.

Eg meiner det er underleg. Ein stor befolkning av eldre er berre eit problem viss ubalansen mellom generasjonane blir for stor.

Nokon må halde hjula i gong når vi som er vaksne i dag blir eldre – anten det handlar om å bemanne sjukehusa og sjukeheimane, å halde trykket oppe i norsk økonomi eller å betale skatt til fellesskapet. Derfor bør det vere eit politisk mål å sikre ein viss balanse mellom generasjonane.