Kva er liberal teologi?

Til tider oppstår det debatt om kva som er liberal teologi. I det siste har det vore tendensar til dette knytt til at pinsevennen Terje Hegertun, som er nyleg pensjonert professor ved MF, har endra syn når det gjeld homofilt samliv og likekjønna «ekteskap».

Han meiner seg å ta eit «mellomstandpunkt» i dette spørsmålet, men realiteten er at han går inn for det nye synet, og argumentasjonen er i all hovudsak tilsvarande den andre på den liberale sida fører. Utgangspunktet er mennesket si erfaring.

Det vi gjerne omtalar som «klassisk liberal teologi», er den vi kjenner frå tidleg på 1900-talet, og som var ei fornekting av sentrale kristne dogme og Jesu undergjerningar. Nokre gonger får vi inntrykk av at dette er «den» liberale teologien, og at det som ikkje samsvarar med slik teologi, ikkje kan nemnast som liberal. Dette er for snevert og misvisande.