Kva for bøker skal stå i skolebiblioteka?

Etter debatten som skolesjefen i Arendal sparka i gang sist veke da han ønska å fjerne Genderqueer av Maia Kobabe frå biblioteka på barneskolane i kommunen, har meininga vore sterke, både frå meg i Vårt Land og frå Espen Ottosen her i Dagen. Men det er underleg at Ottosen, som skriv i ei avis som har vore så kompromisslause i sitt forsvar for ytringsfridommen, ikkje ser det problematiske i skolesjefens avgjersle. 

La meg først starte med å dele ei hemmelegheit alle som faktisk les bøker veit: biblioteka våre er fulle av sex. Annakvar bok inneheld eksplisitte skildringar. Har du eit problem med litterær sex, så har du eit problem med litteraturen.

Og om vi skal inn og reagere på seksuelle skildringar, er vegen kort til også å reagere på vald og skrekk i bøker, ikkje minst til barn og unge. For hyllene på biblioteka, ikkje minst for barn og unge, kryr av grøss der dei mest makabre ting blir skildra.