Kven kan du oppmuntra i dag?

Alle er nok einige i at dette er nødvendig, men i kor stor grad oppmuntrar eg andre? Og mottar eg sjølv nødvendige heiarop – til å stå i tenesta og som også gir mot til livet?

Innimellom møter eg ærlege menneske som melder om at dei saknar oppmuntring og oppfølging i tenesta. «Eg kan telja på ei hand dei gongane eg har fått oppmuntrande ord og konstruktive tilbakemeldingar», sa ein vaksen mann nyleg. Og han er nok ikkje den einaste.

Å stå i ei teneste, vil i seg sjølv gi mykje livsglede. I alle fall om du er i den tenesta Gud har for deg og nyttar dei gåvene Han har gitt deg.