Synspunkt
HELSE: Retten til eit godt og likeverdig helsetilbod er grunnleggjande i vårt samfunn og må gjelde innan heile helseomsorga, skriv kvinnene frå Rogaland KrF.
Adobe Stock
Kvinnehelse når mannen er norma
Vi tenkjer at vi lever i eit samfunn med like rettar for menn og kvinner. Slik er det ikkje, særleg om ein snakkar om noko så grunnleggjande som helse.
Kampen om kunnskap og forståing for kvinnehelse er ein viktig kvinnekamp som framleis må kjempast for.
«Mannen er norma og kvinna er avviket», er framleis gjeldande innan medisin. Om det er ulikskap mellom kjønn i samfunnet, er det også det innanfor medisin, seier forskar og professor i samfunnsmedisin, Johanne Sundby, til NRK 14. januar 2022. Då fekk vi stadfesta det på nytt nå.
Det er ulike studiar som viser at kvinner har høgare risiko for eit dårlegare resultat innan ulike helseproblemstillingar fordi både forskarane, forskinga og forskingsobjekta historisk sett har vore prega av menn. Det at vi i 2022 ikkje har komme lengre, viser at vi som kvinner må snakke høgt om denne ulikskapen og ikkje «lide i stille».
