Lagar du fargerike og velsmakande mocktails?

Om du vil vere trendy i dag, kan du lage fargerike og velsmakande mocktails. Slike drinkar er alkoholfrie. Dermed kan du feste saman med andre ein dag, og vere klar til ulike aktivitetar etterfølgjande dag. Genialt edrueleg konsept, med andre ord.

NRK.no hadde 18. oktober i år ei sak om at hausten sine mest fancy drikkar er alkoholfrie. Tidlegare i sommar melde NRK at salet av alkoholfri drikke framleis aukar, og at Vinmonopolet ser ut til å få eit rekordår for sal av alkoholfrie drikkar. Det er interessant.

Kva kan vere årsakene til dette? Ein kan drikke fargerike og kule drikkar, ein treng ikkje å ottast for bakrus og fyll, ein kan gjere kva ein vil dagen deretter, edru og med god hugs ifrå kva som føregjekk på festen dagen før. Jau, det finst mange gode argument for å feste fargerikt og edrueleg.

Og du – når du serverer mocktails, så treng du heller ikkje å spørje etter kva som kan vere årsakene til at folk ikkje drikk alkohol. Det kan nemleg vere fleire årsaker til det. Ergo – berre la gjestane dine få velsmakande og alkoholfrie drikkar hjå deg framover du, så er du faktisk framtidsretta og trendy.

Lukke til med dei gode alkoholfrie blandingane!

Tilbyr alkoholfri oppstartsuke for studenter

Mykje å vinne på endra alkoholbruk