Debatt
EKSAMEN FØRST: Ei komprimert eksamensperiode før russetida vil vere eit effektivt grep for å trimme ned slutten av skuleåret og la ungdommen feire utan bekymring om ein står på eksamen, skriv innsendarane.
Lise Åserud / NTB
Legg russefeiringa til etter eksamen
Det er vår i lufta, og like sikkert som at fuglane syng, høyrer vi russen gjennom gatene, og på vegane.
For oss som sjølv har vore russ, kjenner ein på spenning og glede, men ein hugsar også presset som låg over oss. Eksamen og stress kryp nærare og nærare.
Me skal ikkje mange år tilbake før ein ser at russetida har utvikla seg enormt. Russetida har alltid innehalde korte netter og lange festar, men den varte i det minste ikkje i det lange og breie. Det var langt færre kommersielle aktørar som pressa på for at ein skulle vere med i russegruppe eller buss, med alle dei enorme kostnadane det fører med seg.
I Troms har russen tatt grep for å ikkje la russetida stå i vegen for eksamen og læring. Der har dei flytta russetida til juni. I Rogaland derimot har russetida berre blitt meir omfattande og tek stadig meir og meir plass. Russetida i Rogaland startar tidleg i april – ein heil månad før dei fleste andre fylke!
