Leder
FOLKELEGE: Dei to programleiarane hadde sjansen til å bruka humoren til noko bra. Dei feiga ut.
Markus Indrebø-Langlo
Manglande oppgjer med ein sjuk pornokultur
I 2024 er det lov å kalla absolutt alt for «sykt». Men ein plass går grensa. Det lærte vi nyleg av to kvinnelege komikarar på VGTV.
Martha & Fetisha er eit nokså nytt konsept frå VGTV, med venninnene Martha Leivestad og Fetisha Williams som programleiarar. Ifølgje førehandsomtalen var målet å skapa «et morsomt studioprogram med ekte historier og reaksjoner. Og ikke minst meninger».
Etter premiere i mars, er dei to damene no i gang for fullt. Dei slo an tonen i første sending. Med ein naken mann i studio. Dei lova «mykje gøy og mykje crazy» i framhaldet. Men kva er eigentleg gøy og crazy for tida?
I tillegg til eit langsiktig mål om å reformera norsk datingkultur, speler Martha inn pinleg drikkedisko-låt, og venninnene prøvar elles å skrika høgt nok til at den «drøye» humoren kanskje kan framstå som litt drøyare. Eg skal spara lesaren detaljane, men det vert aldri langt mellom lågmåla. Du kan seia mykje om nye programkonsept, men at dei er så veldig oppfinnsame? Neppe.
