| Leder
Mayday! «Situasjon med språk over styr»
Offentleg avkjønning av språket vitnar om at svindyr symbolpolitikk har så altfor gode kår.
SJELDAN SMULT FARVATN: Fiskerinæringa treng neppe først og fremst språkhjelp.
Halvard Alvik / NTB
Komitear, råd og utval som arbeider for eit meir «inkluderande» og «trygt» språk finn stadig nye nedslagsfelt og satsingsområde.
No i det siste har deira gode intensjonar dratt til sjøs. Dessverre ikkje, slik det folkelege uttrykket oppmuntrar til, for å fordufta, men i ei langt meir bokstavleg tyding. For å finna maritime objekt som kan reformerast språkleg.
Dermed har vi i det siste fått lesa mykje pinleg nytt om Sjøfartsdirektoratets symbolpolitikk for å betra hardtarbeidande kvinners liv i fiskerinæringa. Eit forslag som no er ute på høyring vil gjera språket på havet meir «kjønnsnøytralt», som det heiter.
