MF – for seksuelt mangfald?

Det er nok fleire enn eg som er vonbrotne over at MF vil flagga for pride og med det for m.a. seksuelt mangfald.

Me har sett heilsides annonsar både i Vårt Land og Dagen frå Stiftelsen MorFarBarn. I annonsen kan me t.d. lesa: «Pride forkynner et bodskap om seksualitet i fri flyt.» Mykje meir kunne vore sitert om eit normlaust samfunn som pride står for, stikk i strid med det eg har lært om korleis det 6. bodet skal forståast.

Eg kan ikkje forstå korleis dei som har studert Bibelen/teologi, kan seia ja til det levesettet pride står for, m.a. «Elsk hvem du vil», her er det ikkje den kristne nestekjærleiken pride har i tankane.

Martin Luther er m.a. kjend for setninga: «Samvitet mitt er fanga i Guds ord», så for meg er eit nærliggjande spørsmål, kven MF kjenner seg mest i slekt med: Pride eller Luther? Men at fleire enn eg eg no er vonbrotne over MF, er eg temmeleg sikker på.

Skyen som forsvant – MF i går og i dag

MF og kyrkjeleg teologi – eit spørsmål