Leder
ORSAKING: MF framførte nyleg ei orsaking overfor dei skeive miljøa, men det er svært uklart kva ei slik orsaking i realiteten utrettar.
Herman Frantzen
MF: frå motkultur til midtstraums
Med orsakinga overfor skeive prioriterer MF festtale og flagging framfor grundig teologi. Det er eit brot med sjølve ideen som i si tid skapte institusjonen.
Etter fleire års tenkjetid, har MF, som så mange andre, komme fram til at det er tid for å lansera ein snuoperasjon. Målet er å tilfredsstilla krava til konformitet som den skeive rørsla stiller. Problemet er ikkje at slike krav blir stilte, problemet er at MF føyer seg.
Ironisk nok er dette den sikraste indikatoren på mindre mangfald i åra som kjem.
I år har den teologiske utdanningsinstitusjonen heist pride-flagg, endra logoen i tråd med fargekoden til ei bestemt ideologisk gruppering og i tillegg gått ut med ei orsaking retta mot den skeive rørsla.
