Moderne familiepolitikk

Vi er midt i sommarferien. Kanskje har du som er forelder erfart at dette er den beste tida for familien, eller kanskje opplever du at det er ekstra strevsamt å vere foreldre nettopp i denne tida. Forventningar til ferie kan vere ulike, og vi vil gjerne at alle skal ha det bra. Det er ikkje berre i ferien at det både kan opplevast godt og strevsamt å vere foreldre, men også i kvardagen.

For KrF er det avgjerande i denne tida å styrke og ikkje styre familiane. Då må vi leggje til rette for at familiar har meir tid saman.

Eg har nettopp fylt 59 år, og har eit langt liv bak meg og har begynt å få litt grått hår. Nettopp mine erfaringar og opplevingar må eg dele med dei som kjem etter meg. Det er med handa på hjartet eg kan seie at å vere mor har vore, og er, noko av det beste eg har erfart, men eg har vel aldri møtt meg sjølv så kraftig i døra som nettopp i foreldrerolla.