Modige iranske dommarar

Iranske huskyrkjer er ikkje ulovlege og er ikkje ein trussel mot den nasjonale tryggleiken. Oppsiktsvekkjande nok er det dommarar i den iranske høgsteretten som slår fast dette.

Ni kristne konvertittar som er dømde til fem års fengsel, tok sakene til Irans høgste domstol. Den 3. november kom konklusjonen. Dei skulle ikkje vore tiltalte for å handla mot nasjonal tryggleik. Huskyrkjene er ikkje illegale.

Sakene må opp på nytt i revolusjonsdomstolen. Dei nye dommarane der kan følgja høgsterett, eller halda oppe dommane. Ein ankeprosess veit vi ikkje utfallet av.