Kommentar
KRAV OM FLEIRE REGLAR: partiet Raudt, med Marie Sneve Martinussen i spissen meiner strengare lovverk er løysinga på dei mange tillitsbrota i politikken, men regelboka er alt tjukk nok.
Carina Johansen/NTB
Nei, Raudt. Fleire reglar er ikkje svaret på politisk tillitskrise
Partiet Raudt ropar på meir reglar i møte med årets mange tillitsbrot, skandalar og avsløringar. Men ei stadig tjukkare regelbok uttrykkjer truleg avmakt meir enn handlekraft.
Problemet er ikke en mangel på regler, men at reglene vi har, ikke blir fulgt.
Orda tilhøyrer Eva Joly, som nyleg kommenterte dei mange avsløringane og tillitsbrota vi har vore vitne til dette året i norsk politikk.
Vi skriv berre september, men for tilliten i norsk politikk ser 2023 alt ut som ein parallell til det 1992 var for no avdøde dronning Elizabeth 2, eit «annus horribilis», eit frykteleg år. Det var den hausten dronninga drog til sides sløret som sikrar det kongelege eit skin av noko urokkeleg.
