Når Tormod Vågen (generalsekretær for Norsk Luthersk Misjonssamband 1936 –1970, red.anm.) talte om tenesta i Guds rike, så poengterte han veldig sterkt at det er nåde å få vera med i Guds rike sitt arbeid. Tenesta kjem ikkje til oss som eit lovisk påbod. Evangeliet, Guds nåde, skal vera drivkraft i vår teneste for Gud.
I Årboka for 1953 skriv Vågen:
«Mange gongar har eg sagt at det er nåde å tena. Eg har også meint det. Men då sjukdommen gjesta meg sist sommar, vart denne sanninga ny. År etter år med hendinga og arbeid steig framom. Og det var mykje som burde vore gjort annleis. Og summen vart alltid den same; det er nåde å tena.
