No er det nok!

I dag kunne vi lesa i VG at nettleiga for straum vil skyta i vêret. Det kjem på toppen av ei lang periode med generelt store prisaukar, høge renter, svak kronekurs og høge straumprisar. No er det nok! Vi er på ein kurs vi ikkje kan leva med framover.

Det er vist til at nettleiga kan auka med mellom 20 og 30 prosent dei neste fem-seks åra, avhengig av kvar i landet du bur. Vassdrags- og energidirektør Kjetil Lund er intervjua i saka i VG, og han peikar på at det kostar å byggja ut nettet og oppgradere det vi allereie har.

Det er også trong for å byggja meir nett for å leggja til rette for næringsliv, klimakutt og elektrifisering, og ifølgje Lund kostar dette pengar. Og han legg til at det blir viktig med energieffektivisering framover.

Det er inga tvil om at vi treng meir straum til næringsliv, og at vi må tenkja energieffektivisering. Desse to må vera prioritering nummer éin når det gjeld energipolitikken framover. Og det vil kosta både med nettutbygging og oppgraderingar, og det treng vi. Men vi treng faktisk ikkje å elektrifisera den industrisektoren som produserer soleklart mest energi i landet vårt.

Dette blir symbolpolitikk som dessverre går utover mange innbyggjarar og industriverksemder. Vi har allereie sparsamt med straum til nærings- og industriutvikling på Vestlandet, og dei fleste meiner det er dyrt nok med straum. Måten å løysa dette på er ikkje å senda straumen dit vi ikkje treng han.

Når tidene blir tøffe og vi må prioritera, så er det lov å bruka hovudet.

Strømkrise og rentehopp: kristne nybygg sliter – men det finnes ett unntak