Debatt
IKKJE SÅ NORSKE: Stordalen bør merke seg at nesten 4/5 av alle plantekaloriar som nordmenn får i seg er importerte, skriv Jenny Klinge. Her er Gunhild Stordalen under presentasjonen av den nye EAT-rapporten hos Bama i Oslo i 2019.
Terje Pedersen / NTB
Norsk kjøtt blir aldri «hjernedødt»
I staden for å kritisere norsk kjøtt, burde Gunhild Stordalen prise seg lukkeleg for dei ressursane som ligg i graset, beitemarka og dyra.
Husdyrhald og kjøtt er ikkje eit problem i gras- og beitelandet Norge, men det har visst Gunhild Stordalen vanskeleg for å forstå.
Ho har mellom anna markert seg kraftig mot reklamen frå Coop der eit steikt kjøttstykke ligg og kviler. Ho meiner at reklamen høyrer heime i ein annan tidsalder og kallar stuntet «hjernedødt».
Men dette handlar om at berre 3 fattige prosent av det totale norske arealet er dyrkbar mark. Og det handlar vidare om at to tredelar av dette dyrkbare arealet ikkje er eigna for anna enn husdyrhald.
