ERFAREN LEIAR: Med Børge Brende fekk Noreg ein erfaren og kunnskapsrik leiar av norsk utanrikspolitikk. Her er Brende på vitjing i Holocaustmuseet i Jerusalem.
Ny Midtausten-politikk?
Eg håpar at vi snart ser konturen av ein ny norsk utanrikspolitikk overfor Midtausten og konflikten mellom Israel og palestinaarabarane, skriv Karl Johan Hallaråker
Det var store forventningar til den nye regjeringa sin utanrikspolitikk. Det gjaldt ikkje minst ønske om ein ny politikk overfor Israel og konflikten med palestinaarabarane. Den raudgrøne regjeringa si støtte til terroristorganisasjonen Hamas var m.a. det som måtte endrast.
Det har også skjedd til ei viss grad. Med Børge Brende fekk Noreg ein erfaren og kunnskapsrik leiar av norsk utanrikspolitikk. Vi har ein utanriksminister med stor respekt i mange samanhengar og mellom dei store internasjonale aktørane.
På nokre område må vi likevel kunna ytra at forventningane var større enn resultata så langt. Bistandspolitikken og kompetanse på område som religionskunnskap (som SV-statsråd Erik Solheim sette i gong), er ikkje saksfelt som ruvar i denne regjeringa enno!
