Politikk
VELMEINT: Ingen er i tvil om at ho meiner det godt. Men er det god politikk?
Herman Frantzen
Olaug Bollestad: Så raus at det må ryddast
Bollestad slapp ingen bomber i Simon Stisens podkast. Etterspelet er ei påminning om at kunsten å gjera alle til lags ikkje er det beste politiske handverket.
Simon Stisens podkast Størst av alt? handlar om legning og tru. Verten, den homofile KrF-aren og lune eks-pinsepastoren, får jamleg folk i tale om tema knytt til homofil legning og kristen tru.
Tysdag var turen kommen til KrF-leiar Olaug Bollestad. Ho vart grilla om KrFs historie når det gjeld dei homofile og om kva politisk plan ho og partiet har for menneske med ulike legningar.
Etter gjennomlytting kan ein konstatera at lite epokegjerande vart sagt eller lova i denne episoden. Likevel skapte han debatt og overskrifter.
