Kvifor skal Ottosen (biletet) akkurat i dette fundamentale spørsmålet «forholde seg avslappet til hva oppdatert naturvitenskap sier om jordens alder»? spør Iver-Olaf Grimstad.
Tore Hjalmar Sævik
Ottosen – kom over og hjelp oss!
No er det eit sterkt behov for at Ottosen og andre teologar kjem på bana og viser tillit til Guds gode Ord istadenfor å forkludre det.
I artikkelen «For skråsikkert om skapelsen» kritiserer Ottosen Skaper-styremedlem Andreas Årikstad for hans tiltru til 6-dagers skapelsen.
Han bruker prest og geolog William Buckland (1784-1856) si tvil om ei 6.000 år gamal jord som grunn til å hevde at det ikkje ligg noko «ateistisk i ideen om at jordkloden vår er mer enn 6.000 år.»
Her trengs det ei god dose presisjon: Då Buckland blei medlem av det prestisjetunge Royal Society i 1818, og fekk påverka sine overordna til å framskaffe eit ekstra professorat (readership) i geologi i 1819, så blei innvielsestalen hans publisert i 1820 med tittelen: «Vindiciæ Geologiæ; or the Connexion of Geology with Religion explained».
