Bevisa er tydelege: Israel er ansvarleg for grove krigsbrotsverk

Det er på tide å avslutta den meiningslause diskusjonen med Reidar Holtet. Alle påstandar me kjem med i ein debatt, må dokumenterast – elles er dei verdilause.

Me bør òg halda klår avstand til våre eventuelle subjektive meiningar. Det er argumenta som skal angripast i ein debatt – ikkje personen. Diverre – eg maktar ikkje å sjå at dette er Holtet si sterke side.

Difor vert det ikkje kommentarar til mykje av det han skriv om i det siste innlegget 12. oktober – «Villands villfarelser om Israel.» Sidan Holtet ikkje viser interesse for å dokumentera sine eigne «villfarelser», ser eg ingen grunn til å halda denne meiningslause debatten gåande.