President Trump – ny tidsalder for USA?

Valresultatet i november gav Donald Trump ekstra legitimitet, attåt den sterke sjølvkjensla han hadde frå før. Trass i høg alder viser mannen ein stamina (energi, trott, tæl, viljekraft) me snautt har sett tidlegare. Det er godt gjort å stå oppreist i stormen av alle skuldingar og søksmål (nokre med substans, andre oppdikta) som motstandarane i det lengste har prøvd å setja han fast med. 

Jau då, mannen er egosentrisk og ikkje lite av ein skrytepave! Han er vital, nærast ustoppeleg, og talar med ulideleg store bokstavar. 

Eg meiner at me heller må drøfte prinsippa og substansen i politikken hans, gjerne kritisk, men framfor alt fordomsfritt.