Profetiar – kun til oppmuntring?

Eg gleder meg over at både ImF og andre kan få avvikle stemner og bibelcampar denne sommaren, for det er viktige samlingspunkt der ein kan kombinere ferie med åndeleg påfyll.

Ikkje minst gratulerer eg Stiftelsen Oase for vel gjennomført stemne i veke 28, og eg veit at dette stemnet har vore av avgjerande betydning for mange av mine søsken i trua.

Så er det noko eg stussar over når eg les reportasje derfrå i Dagen den 17.juli, der temaet er profetiar, og det føyer seg inn eit mønster når ein omtalar denne gåva i fleire miljø: Profetiar skal vere til oppmuntring. Punktum. Etter mitt syn er det ei smal og avgrensa forståing av profetiar som her kjem til uttrykk.