| Debatt
Putin vil knusa kyrkjer
Den brutaliteten som Vladimir Putin viser også mot kyrkjer i okkuperte delar av Ukraina, viser oss kva livsfarleg ideologi han dyrkar.
KRIGSKUNST: Med biletet «Levande håp» møter Anatoliy Raychynets påskehøgtida og seier: «Vi håpar at Gud kan redda oss.»
Illustrasjon: Det ukrainske bibelselskapet
Dersom krigen mot Ukraina «berre» handlar om at landet ikkje må bli medlem av Nato, kvifor skal okkupasjonsstyrkar torturera og drepa prestar og pastorar?
«Russkij mir»-ideologien inneber å øydeleggja ukrainsk identitet. Kyrkjer som ikkje sluttar opp om felttoget mot «ugudelege Vesten», skal knusast.
I okkuperte område vert prestar i begge dei ortodokse kyrkjene utsette for hardt press til å gå over til nye russiske bispedømme, styrte frå den krigsvelsignande patriark Kirill i Moskva. Fader Konstantin Maksimov i den ukrainske kyrkja som framleis ligg under Moskva, blei i februar sendt til ein russisk fangeleir med «hardt regime». 1.000 kilometer heimanfrå skal han sona 14 år for «spionasje», ei oppdikta skulding mot ein prest som nekta å bøya kne for okkupant-ideologien.
