Sofie Braut om ny trend: Kvifor er eg vakrare som viking?

Det skal godt gjerast å ikkje ha snubla over «korleis du ville sett ut som viking»-trenden, som no nokre veker har skylt over sosiale medium.

Men for dei uinnvigde: Opplegget er at du skal lasta opp eit bilete av deg sjølv på ei nettside som gjer nokre lynkjappe justeringar. Portrettet ditt vert straks tilført vilt, mellomblondt, lett tova hår, vikingaktig kappe og andre vignettar. Vips, så kan du drøyma deg tilbake til … ein svært moderne og tilpassa versjon av vikingtida

For dette er vikingtidsromantikk av mest gjennomførte merke. Eg kjem liksom i kontakt med mine villare og vakrare sider. Ei eventyrleg og ikkje minst oppgradert utgåve av meg sjølv kjem brått til synest. Eg er berre litt usikker på kva ho vil meg.