Sommarfint samvær er flott

Snart vert det stabilt varmare i vêret, får vi tru. Då er det å håpe at born og vaksne kan vere i sommarfint samvær både ute og inne. Har du tenkt på at det kan vere mange fordelar ved å gje born og unge ein alkoholfri vaksensommar?

Vi i organisasjonen IOGT har ein sommarkampanje som heiter Fyll ferien. Då tenkjer vi på at ferien skal fyllast med gode opplevingar og ikkje med rus. Vi samarbeider med Vinmonopolet om denne kampanjen, der dei tilrår alkoholfri drikke som kan høve saman med ulike typar grillmat.

I ei undersøking gjort av Opinion for IOGT i 2018 meinte 56 prosent av dei spurte av det vart drukke for mykje alkohol når born er til stades. Skal tru korleis prosenten i svara hadde vorte om ein hadde gjennomført ei ny måling i år?