Bjørn Olav Hammerstad
Sunn tru i ei usunn tid
Det er eigentleg til ettertanke at ein i ein luthersk (!) bibelskule vil begynna ei såkalla profetlinje i reformasjonsåret 2017. Det gjev assosiasjonar til reformatorane sin kamp mot reformasjonstidas svermarar.
Dagen sitt hovudoppslag fredag 28. juli om «profetisk betjening» under IMI-kyrkja sin sommarfestival fylde meg med to kjensler.
For det første blir ein glad når unge menneske søkjer hjelp om å finna Guds vilje for livet sitt. Slik lengt og søken skulle vera normalt kristenliv for oss alle. Det er livet si lukke å leva i pakt med Guds vilje og plan for våre liv. Det gjeld unge som eldre.
For det andre kjende eg på stor sorg når eg las om den rettleiingstenesta som IMI-kyrkja her legg opp til både i sommarstemnet og altså som bibelskuletilbod.
