Ta vare på livet

Om knapt eit år er det stortingsval. Partia er opptekne med nominasjonar, programarbeid med vidare. Det gjeld å finna dei rette kvinnene og mennene, og ha eit program som veljarane synest om. Dette er ein vanskeleg prosess, men uhyre viktig. Mykje står på spel. Men vi skal vera glade for at vi lever i Noreg og har eit demokrati, sjølv om eg synest at vi har for mange parti med stort sett samanfallande syn.

Dei siste åra har ikkje vore gode for KrF. Debatten om retningsvalet skapte nok ein del sår og frustrasjon. No ligg meiningsmålingane cirka 10 prosent under det som var normal for 10–15 år sidan. I dag er det berre tre på Stortinget som skal fronta KrF sitt gode program. Det gjer at partiet og får mindre plass i media. KrF er i ferd med å verta usynleg i mange debattar, dessverre.

KrF har ein vakker og god song, skriven av Liv Nordhaug. Eg fann fram denne songen for nokre dagar sidan, og det slo meg kor aktuell denne songen er.