Takk til kyrkjeleiinga

Vi er alle vitne til at det er mykje debatt og uro om mange spørsmål i kyrkjesamfunna våre. Også i Den norske kyrkja. Det har nett vore kyrkjemøte, og ei viktig sak der var korleis kyrkja skal organiserast. Dette vil eg no la liggja.

Det som mellom anna har gledd meg frå kyrkja vår, var helsinga frå Olav Fykse Tveit og leiaren av kyrkjerådet Kristin Gunleiksrud Raaum, sende til Kyrkjerådet i Ukraina. De skal ha stor takk for den klåre uttalen der!

Kyrkjene og folket i Ukraina får no oppleva på kroppen det som Ronald Fangen skriv i sin mektige salme om Guds kyrkjelyd: «...er natta lang, er kampen full av kvalar, det er Guds eige ord, du skal ha trengsel, men sjå eg kjem snart.»