Tankar etter GF22 Misjonssambandet

Det blei applaudert då det blei fleirtal for at kvinner kunne veljast til sentralstyre. Mange av oss opplevde heller sorg og skuffelse over at endå ein «merkestein» er lagt ned i Misjonssambandet.

Ja, vi må tenkje nye tankar om organisering og praktisk korleis vi arbeider. Men vi er framleis mange kvinner og menn som ynskjer ei klar og tydeleg ordning i høve til tenestedeling mellom menn og kvinner. Ordninga med hovudstyret og rådsmøte har fungert greitt.

Vårt kall er ikkje avhengig av om kvinner får tilgang til alle styrer til toppen i organisasjonen vår. At kvinna må vere valbar til alle organ i Misjonssambandet for at kvinnene skal ha frimot i tenesta, er ei merkeleg førestilling. (Det har vore ein hovudargumentasjon fram mot denne endringa av grunnreglane.)