Debatt
VITSKAP: Så langt eg kan vurdera, står evolusjonslæra nesten alltid fram naturalistisk og materialistisk – og då ikkje i tydinga «nøytral» vitskap, men som ideologi, skriv Johannes Kleppa. Her frå Newton Energirom i NTNU Vitensenterets lokaler.
Gorm Kallestad / NTB
Teologi og evolusjon
I sitt svar (22. mars) til mitt innlegg i Dagen 16. mars, har professor Sverre Holm nokre synspunkt som eg gjerne vil kommentera, og reknar med det debatten avslutta frå mi side, om det ikkje skulle koma opp nye moment. Holms innlegg ber den spesielle og litt arrogante tittelen «Kvasivitenskap og obskur teologi».
Eg tek opp att at Holm si bok, «Den innbilte konflikten», som er utgangspunktet for debatten, generelt er god. Det gjeld også oppgjeret med myten om at mellomalderen var så mørk kunnskapsmessig og vitskapsmessig, slik det ofte vert framstilt. Dette trass i at Bibelens (og dagens almanakkars) uttrykk om at sola står opp og går ned, vart brukt mot Galilei.
I debatten knytt til moderne naturvitskap, held eg fast på at dette er eit banalt argument, fordi det er allment akseptert at det er ein folkeleg og tidlaus måte å uttrykkja forholdet mellom jorda og sola på.
