Debatt
KJØNNSROLLER: Vi har lett for å tru at alt var mykje verre før med tanke på kjønnsroller, skriv Anne Sofie Nergård Uthaug, men kanskje biletet er meir samansett likevel?
Erik Thorberg / NTB
Tradwife: «Kvinnens dyd – hjemmets fryd»?
Høge husprisar høge krav til standard og aktivitetsnivå i tillegg til full jobb tek helsa og gleda frå mange yngre damer, det gjer meg bekymra.
Fyndordet frå overskrifta står på handklepynten på kjøkkenet vårt, brodert i beste 50-talsstil. Eg har vel helst lese den teksten som ein ironisk kommentar til meg sjølv og ler med dei som oppdagar illustrasjonen og kva som står der.
«Tradwife», ja då, men har aldri kjent meg heime i den båsen. Sjølv om eg jobba deltid i ein del år. Det gjorde familielivet meir overkomeleg då borna var små. Eg angrar ikkje på det, sjølv om pensjonspoenga kanskje vart nokre færre.
Det er flott at unge folk tør å tenkje alternativt, om det er tradwife-tankar eller anna. Høge husprisar høge krav til standard og aktivitetsnivå i tillegg til full jobb tek jo helsa og gleda frå mange yngre damer, observerer eg, og det gjer meg bekymra.
