Utan likebehandlingstilskot kan Kongshaug Musikkgymnas bli lagt ned

KrF-gruppa på Vestland Fylkesting fremma og fekk vedteke følgjande uttale om situasjonen for Kongshaug Musikkgymnas. Han vart vedteken mot dei to stemmene til Raudt:

Vestland Fylkeskommune er uroa for at eit svært viktig musikk-utdanningstilbod i fylket kan falle bort, og er ikkje nøgd med at nasjonale styresmakter har vedteke å fjerne musikkundervisings-tilskot som sikrar at tilbodet får finansiering på linje med offentlege musikktilbod.

Kongshaug Musikkgymnas i Bjørnafjorden har vore starten på musikkarriere for mange utøvarar på nasjonalt nivå. Men det er også ein viktig bidragsytar til at musikk- og kulturlivet i kommunane får tilgang på ressurspersonar til viktig arbeid.

Svært mange korps- og kordirigentar, og dessutan kulturskulelærarar har bakgrunnen sin frå Kongshaug Musikkgymnas og nyttar den kunnskapen saman med anna yrkesutdanning i heile fylket. Vestland fylkeskommune er redd denne kompetansen blir vanskelegare å få nok av viss gode tilbod som Kongshaug musikkgymnas må leggje ned grunna at statleg tilskot gjennom over 20 år fell vekk.

Regjeringen foreslår fortsatt kutt til kristen skole: – Vi har ingen planer om å gi oss

Kongshaug Musikkgymnas, saman med to andre vidaregåande skular (Vennesla KVGS og Steinerskolen i Oslo), har sidan 2000 fått eit «likebehandlingstilskot / særtilskot» for at ein skal kunne tilby den undervisinga læreplanen krev.

For musikk er det ofte ein-til-ein-undervising i instrument eller undervising i mindre grupper. Fylkeskommunen gjer det på same måte på dei offentlege musikklinjene.

I statsbudsjettet for 2023 vart tilskotet halvert, og i framlegg til statsbudsjett for 2024 er det foreslått fjerna heilt. For Kongshaug Musikkgymnas utgjer det 4,5 millionar NOK.

I tillegg til å vere ein skule kjent for svært høgt fagleg nivå og med eit godt rykte, er Kongshaug ein internatskule og ein stor arbeidsplass i Bjørnafjorden kommune. Skulen har 125 elevar frå heile landet, ca. halvparten er frå Vestland fylke (59 for skuleåret 23/24).

Absurd om Kongshaug frå kunnskapsministeren

Fylkestinget i Vestland vil be partia på Stortinget samarbeide for at ordninga med tilskot til reine musikklinjer til Kongshaug Musikkgymnas vert teke inn att i budsjettet for 2024 og vert vidareført, i alle fall til ei varsla ny og varig ordning for alle skular med musikklinjer er på plass.

Mottakarar av uttalen: Partia på Stortinget, Utdanningskomiteen og Kulturkomiteen Utdanningsminister og kulturminister.

Ein dråpe i eit statsbudsjett. Men eit hav i eit ungt menneske sitt liv