Debatt
ANDRE STRENGAR: Saudi-Arabias kronprins Mohammed bin Salman Al Saud synest mindre glad i radikal islam enn dynastiet tidlegare har vore, skriv Johannes Morken. Her frå G20-toppmøtet i New Delhi, India, i september.
Evelyn Hockstein / AP / NTB
Vår avgud, hans makt
Saudi-diktatoren Mohammad Bin Salman har forstått at det er meir populært å kjøpa opp pengedopa toppidrett enn å spreia ei ekstrem utgåve av islam.
Saudi-Arabia har lenge finansiert moskear verda over. Det er lett å sjå tragiske resultat i Irak. Viktige område for kristendom var i aukande grad islamisert med oljepengar frå Golfen før bestialske IS kom. I fleire land i Sentral-Asia såg eg under ei reise nyleg at moskear sprett opp, bygde med pengar frå Saudi-Arabia og Qatar.
Også i Vest-Europa er moskear blitt bygde med saudiske petrodollar. Spreiinga av ekstrem islam har skapt mistru og frykt.
I vår ferske lov om trussamfunn kom ein mild paragraf: trus- eller livssynssamfunn som tek imot bidrag frå statar som ikkje respekterer trus- og livssynsfridommen, kan nektast offentleg tilskot. Det er ein sovande paragraf som er krevjande å praktisera.
