Synspunkt
PÅSKETERROR: For tre år sidan opplevde Sri Lanka terror. På påskedag, som i 2019 fall på 21. april, vart det sprengde bomber i tre kyrkjer (St. Sebastian's Church) og tre hotell, skriv Johannes Morken.
Chamila Karunarathne / AP / NTB
Vernar hjernane bak påsketerroren
Regjeringa på Sri Lanka som slår beinhardt ned på demonstrasjonar, er den same som vernar dei verkelege hjernane bak terroren påskedag i 2019.
Sri Lanka opplever ei alvorleg økonomisk, sosial og politisk krise. Mangel på mat, straum og drivstoff har fyrt opp folkelege protestar med krav om at regjeringa går av.
Regjeringa har brukt antiterrorlova mot demonstrantane. Tryggingspolitiet har brukt både tåregass, vasskanonar og unntakstilstand. Det er frykt for meir aggresjon.
Dette er klimaet når landet går inn i påskeveka. For tre år sidan opplevde Sri Lanka terror. På påskedag, som i 2019 fall på 21. april, vart det sprengde bomber i tre kyrkjer og tre hotell. Kring 270 menneske vart drepne. Meir enn 500 vart skadde, dei fleste kristne.
