Debatt
TUNNELAR: Hamas byggjer ikkje bomberom, men tunnelar (…) Slike tunnelar vert bygde midt under byar, inklusivt under sjukehus, skular og andre sentrale bygningar, skriv Kleppa. Her tek israelske stridsvagner posisjon langs den israelske grensa til Gazastripa søndag.
Maya Alleruzzo / AP / NTB
Vesten stiller urimelige krav til Israel
Når ei ein les og høyrer kommentarar frå det som skjer i Midtausten for tida, må ein ofte lura på kor realismen har vorte av. Det gjeld særleg politikarar, mediefolk, hjelpearbeidarar og andre samfunnsaktørar. Realismen synest å vera størst når militærfolk uttalar seg.
Det faktum at det skjer fryktelege lidingar i Gaza, og at desse berre synest å tilta, må ikkje føra til at vurderinga av totalsituasjonen vert urealistisk. Der realismen forsvinn, vil problema berre auka, særleg på lang sikt.
Det er viktig at verdssamfunnet gjer alt ein kan for å hindra lidinga i Gaza, som i Ukraina og andre stader med krig eller naturkatastrofer. Det må også kristne gjera, og vårt største bidrag er nok bønn. Det er to grunnleggjande forhold som ein må ha eit realistisk forhold til, om det skal vera håp om betre tider i Midtausten.
