| I fokus
Vi må læra å snakka nådespråket slik Jesus gjorde
STEILE FRONTAR: Vi lever i ei vond tid med polarisering i samfunnet, skriv Erling Thu. Biletet visar palestinarar under ein antikrigsprotest og protest mot Hamas, i Beit Lahiya, på nordlige Gazastripa, 26. mars.
Foto: Jehad Alshrafi / AP / NTB
Gaza, Israel, Russland, Ukraina, Putin og Trump er ord som får kommentarfelta til å flaume over av hatefulle ytringar. Frontane er steile, orda er harde, fiendane er mange. Det er oss på den rette sida, mot dei på den vonde sida. Vi er dei gode, dei andre er dei vonde. Vi har sanninga, dei andre lyg. Vi har rett til å bruka sterke og nedsetjande ord om dei andre. For vi seier berre sanninga, når vi bruker negative ord om motstandarane våre.
Vi har mange motstandarar. Det er dei som ikkje har dei same meiningane, eller den same trua, eller den same religionen, eller dei som representerer ein annan kultur, eller dei som ikkje har den rette hudfargen.
Folk set merkelappar på kvarandre. Skjellsorda haglar og skaper djupe sår i sjela. Harde ord og negative adjektiv sit laust.