Vi står fast ved kjernefamilien og dei to kjønn!

Konservativt endra i november 2022 namn frå Partiet de Kristne til Konservativt.

Eit politisk parti treng tilslutning for å kunne oppnå påverknad. Vi ønsker å nå ut om kva vi meiner er viktige for eit kvart lokalsamfunn, den enkelte og ikkje minst for neste generasjon.

Det er mitt håp at fleire og fleire forstår kva som er i ferd med skje rundt oss. Derfor treng vi ein politikk som tar menneskes livssituasjon på alvor og ein politikk som er solid forankra i eit verdifundament som står seg over tid.

Konservativt vil byggje på og verne om familien som er grunnsteinen for dei fleste siviliserte samfunn. Kristendomsundervisninga er i realiteten blitt fjerna frå all opplæring i skoleverket og barnehage, sjølve verdifundamentet som vi over lang tid har bygd samfunnet på. Vi er derfor klare på at kristendomsfaget på ny skal vere eit obligatorisk fag i norsk skole.

Vi snakkar ofte om vestlege verdiar, og det er i realiteten kristne verdiar. Vi vil erstatte radikal kjønnsideologi med kristen verdibasert undervisning.

Vi er garantisten for å byggje på skaparordninga med mor, far og barn og dermed gut og jente.

Undervisninga i barnehage og skole som sår tvil i barns sinn om kven dei er og kva kjønn dei har, ønsker vi ikkje.

Synet på det livslange monogame ekteskapet mellom kvinne og mann har vore den viktigaste byggjesteinen for familien. Vi ser verdien i at barn skal kjenne sine røter og ha ein trygg oppvekst i lag med mor og far. Vi vil halde fram med å vere ein tydleg stemme for det ufødte barnet.

Vi vil vere tydlege på at alle skal ha same rett til nødvendig og forsvarleg helsehjelp uavhengig av alder og økonomi. Alle eldre må få den hjelpa dei treng, når dei blir for sjuke og skrøpelege til å klare seg heime.

Konservativt vil jobbe for å tilpassa tenester på alle nivå: hjelp heime, heimesjukepleie, hjelpemiddel, omsorgsbustader og sjukeheimsplassar, og dessutan avlastingsplassar og dagtilbod. Vi må innsjå at eldrebølgja no er over oss og at det vil krevje stor innsats i åra framover.

Dei høge straumprisane er for høge for folk flest og krev grunnleggjande tiltak frå politisk hald. Vi vil ha fastpris på straum, maks 50 øre kWh.

Vi ønsker at politikarane skal vareta folk sine grunnleggjande behov som billeg straum, matvarer, drivstoff og bustad. Vil du ha endring, må du gå inn for endring.