Harry Wiig Andersen til minne

Det er vemodig å tenkja på at me ikkje lenger skal få høyra den sprudlande stemma til kjuaguten Harry Wiig Andersen. Han kom til Frekhaug i 1963 som lærar ved Nordhordland Folkehøgskule, og i alle år etterpå har han sett djupe spor etter seg, både i Meland, i Nordhordland og elles i inn- og utland.

I 1968 vart han «kasta inn» i rektorstillinga på folkehøgskulen, etter Olav Åmdal som døydde brått. Med sin enorme arbeidskapasitet og dugleik fekk den visjonære Harry’en setja sitt preg på vidareutvikling av folkehøgskulen, den største i landet.

Mange, både elevar og folk frå fjern og nær, er særleg takksame for dei opplevingsrike turane han, saman med kona Bjørg, år etter år arrangerte til Israel. Han var ein sann Israelsven, og det som skjer i Midtausten i desse dagar, ville nok ha fylt han med stor sorg.