Fredag 2. desember skein ei kald vintersol over kyrkjegarden ved Vestnes kyrkje da Gerd Aas fekk sin siste kvilestad her på jord. Ljoset over gravstaden samstemmer med Jesu ord; «Den som trur på meg skal leva om han så døyr.» Eit langt liv i tru og teneste er over, men gudsordet står fast.
Gerd Aas vart fødd 14. januar 1931 og vaks opp i Aasbygda på Vestnes saman med foreldra, ein bror og ei søster. Mora var frå Hitra og der var Gerd mange gonger i barndomen, og ho fortalde ofte om bestemor og den fine plassen der Gerd seinare fekk sin feriestad.
Gerd gjekk eit år på Vestborg handelskule og seinare eit år på Fjellhaug bibelskule.
