RUSS: Lukas Østerberg er nasjonal kristenruss-president.
Islam Aghazada
627 kristenruss på treff i Kristiansand: – Folk kom heilt frå Nord-Noreg
Krusseleiar Lukas Østerberg (19) er svært nøgd etter årets høgdepunkt for kristenrussen. – Det var heilt spesielt.
Årets russekull har lagt bak seg ei helg med fellesskap og åndeleg påfyll i Kristiansand, det såkalla «Russetreffet by Krussen 2025».
– Me har feira og festa gjennom konsertar og aktivitetar, men òg hatt fokus på å inspirera og utrusta krussen til å gå saman med Jesus i russetida og resten av livet, seier festivalsjef Mathilde Lillenes Reinlund.
Russetreffet, som årleg vert arrangert i samarbeid med Laget og Ungdom i Oppdrag, er eit kristeleg, rus- og alkoholfritt arrangement for elevar som er i ferd med å fullføra 13 års skulegang.
