Alfred (18) og to andre elevar frå kristne friskular til topps i nasjonal leiarkonkurranse
Nok ein gong utmerker kristne friskule-elevar seg i næringslivet.
Publisert
Sist oppdatert
29 unge leiartalent i landet er handplukka av organisasjonen Ungt Entreprenørskap Norge (UEN) til å få reise til Oslo og følgje ein toppleiar tysdag 7. november.
– Eg håpar å få endå meir innsikt og sjå kva ein leiar faktisk gjer og kva toppleiing inneber, seier Alfred Kvendset (18).
Annonse
Tryggheim-eleven er ein av tre handplukka leiartalent frå kristne friskular i Agder og Rogaland.
Teknologi, bank og forbrukarråd
Førre skuleår etablerte over 13.000 elever og studenter ungdoms- eller studentbedrifter i regi av Ungt Entreprenørskap. Dei 29 leiartalenta som juryen har plukka ut til å delta på «Leder for en dag» er vald basert på deira prestasjonar i ungdomsbedriftene.
Dei blir matcha med toppleiarar frå relevante organisasjonar innanfor politikk og næringsliv.
Kvendset (18) skal følgje leiaren Mandeep Grewal i teknologiselskapet Attensi.
Herman Scott Kyvik Eggebø frå KVS Lyngdal skal skugge Inger Lise Blyverket i Forbrukarrådet.
Lars Brynjulv Nordbø frå Drottningborg vgs er plukka ut til å vere med Jannicke Trumpy Granquist i Kommunalbanken.
Derfor blei dei plukka ut
Annonse
Dei tre føyer seg inn i rekkja av friskule-elevar som har imponert juryen i Ungt Entreprenørskap-konkurransane dei siste par åra.
Førre skuleår på Tryggheim leia Alfred Kvendset Fall-Off Rescue UB, som blei kåra til den tredje beste ungdomsbedrifta i Noreg. I løpet av året imponerte han i møte med politikarar, næringslivet og i intervjusituasjonar, skriv skulen i ei pressemelding.
Til dagleg er Kvendset lærling i Bryne Elektriske, men 7. november byter han ut vernesko og straumtang med dressko og IT-system i programvareselskapet Attensi.
– Eg gler meg til å lære meir om bedrifta, seier 18-åringen til Dagen.
– Har du lyst å bli toppleiar sjølv?
– Eg har sett det som eit høve, men eg veit ikkje. Det er derfor eg vil undersøke korleis det fungerer.
– Absolutt øvste nivå
UEN-leiar, Grete Ingeborg Nykkelmo, meiner leirartalenta har ein viktig sjanse nå:
Annonse
– «Leder for en dag» er eit unikt høve til å få erfaring frå leiing på absolutt øvste nivå og knytte nettverk med norsk næringsliv, seier ho i ei pressemelding frå Ungt entreprenørskap.
