NARNIA: Ei ny tilpassing av filmane er planlagd å koma ut på Netflix jula 2026.

Foto: Disney Enterprises, Inc. and Walden Media LLC.

Aslan kan bli kvinne: Fryktar «kjønnsbyte av Jesus»

Løva Aslan frå Narnia-universet vert kanskje å sjå med kvinneleg røyst i ein ny versjon av filmane. Det vekkjer reaksjonar.

Gunnhild Lønning Journalist

Publisert 13.04.25 - 16:00

Det vert vurdert om den amerikanske stjerna Meryl Streep skal gje røyst til løva Aslan i ein ny versjon av filmserien «The Chronicles of Narnia».

Skaparen av Narnia-universet, C. S. Lewis, har sjølv skildra løva Aslan som ein inkarnasjon av eller parallell til Jesus - i ei fantasiverd.

Ifølgje Premier Christian News har difor mange «uttrykt uro for at valet av Streep til denne rolla i praksis utgjer eit kjønnsbyte av Jesus».