EIN AV TRE: Vaulali ungdomssenter ved Tau er ein av tre leirstader Normisjon har i Rogaland. Regionsstyremedlem Berit Helgøy Kloster meiner det burde vere plass til ein flyktningfamilie der.
Normisjon Region Rogaland
Ber leirstader opne dørene for flyktningar
Erfaren misjonær og forkynnar meiner det kan vere ein vinn-vinn-situasjon om kristne leirstader tek imot ein flyktningfamilie eller to.
No er ho pensjonist, men ivrar framleis for misjon. Som medlem i regionsstyret til Normisjon i Rogaland har ho nettopp fremja forslag om å ta i bruk uutnytta kapasitet på dei tre leirstadene i regionen til flyktningar.
– Vi må finne ei fordeling som fungerer med verksemda vi elles driv der, understrekar Helgøy Kloster.
I dag møtest partia på Stortinget til nye samtalar om Syria–flyktningar. Det er fleirtal for å ta imot 10.000 flyktningar frå Syria, men regjeringspartia er i utgangspunktet ikkje for dette. Derfor er det utfordrande å finne ei løysing som alle kan stille seg bak. Eit av spørsmåla er korleis ein skal greie å busetje så mange på kort tid.
