TRU OG POLITIKK: Den britiske statsministeren David Cameron og den amerikanske presidenten Barack Obama snakka kvar på sin måte om kristen tru i samband med påska. Biletet er frå ein felles pressekonferanse i Washington DC i januar.
LARRY DOWNING
Ber om støtte til forfølgde kristne
USAs president Barack Obama og David Cameron snakkar kvar på sitt vis varmt om kristen tru.
Både Storbritannias statsminister David Cameron og USAs president Barack Obama snakka varmt om kristen tru i helsingar mot slutten av påskehøgtida.
Obama gjorde det då han tysdag inviterte til bønefrukost i Det kvite hus. Cameron publiserte ei videohelsing første påskedag.
– Påska er ei tid då kristne feirar livets endelege siger over døden, og Jesu oppstode. For oss alle er det ei tid for å tenkje over kva rolle kristendommen spelar i vårt nasjonale liv, seier Cameron.
