DISIPLIN: Studentmamma Awin Khalili Holm fortel at ho vart langt meir disiplinert student etter at ho vart mor. – Når eg har levert i barnehagen er skuletida blitt eigentida mi, og då er eg ivrig på å lære og vere effektiv, seier Holm. Foto: Alice Tegle
Alice Tegle
Betre livskvalitet for studentar som får barn
Studentmamma Awin Khalili Holm trur fleire studentar ville blitt foreldre om dei visste kva som kjem fram i ny undersøking.
– Studentar eg treff har mange grunnar for ikkje å få barn. Dei er redde for ikkje å prestere på studiane, at dei ikkje har nok pengar og at livet er over, seier Awin Khalili Holm og seier:
– Dei skulle bare visst.
Ho går siste året på bachelorgraden Ungdom, kultur og trusopplæring på Menighetsfaktultetet i Oslo. Halvvegs uti studiet blei ho mor til dottera Mathea (1,5).
