Blir nekta å leige offentlege lokale. Må flytte foredrag om kjønn til bedehus igjen

– Tema er korleis skulebøkene framstiller kjønn som noko dei kan velje og kan gjere – ikkje som noko dei er fødde med, seier foreininga Foreldre.net sin lokallagsleiar i Rogaland, Brynjar Østrem.

Med seg på bedehus-scena i Fredheim Arena 27. mai hadde han den mykje omtalte religionsprofessoren Anne Kalvig, som kom ut med boka «Kjønnstru» i fjor.

Anne Kalvig var blodraud feminist og åtvara mot å lytte til «kristen-reaksjonære». Så kom transdebatten

Ho snakka om rolla kjønnsidentitet har fått i lovverket.

– Kneblar ytringsfridommen

Før Østrem begynte foredragsturneen i Sør-Rogaland, hadde han planlagt å halde føredraga sine i livssynsnøytrale lokale.

Det viste seg å vera lettare sagt enn gjort.

Tidlegare i vår hadde han inngått leigeavtale med klubbhuset til Vigrestad idrettsklubb. Lokale foreldre protesterte då det blei kjent at Foreldre.net fekk leiga klubbhuset.

Det enda med at Østrem sjølv trekte seg frå leigeavtalen med idrettsklubben.

Brynjar (33) samlet 350 for å advare om kjønn i lærebøkene. – Det er sosialt selvmord å si dette høyt

Sist veke blei det bråk igjen.

Vågen vidaregåande skule ville ikkje vil leia ut lokala sine til Foreldre.net på kveldstid. Likevel har Fri, ei foreining for kjønns- og seksualitetsmangfald, hatt eige opplegg med Vågen-elevane i skuletida.

– Ei knebling av ytringsfridommen, meinte Østrem i Aftenbladet.

Opplæringssjef: – Saklege grunnar

Opplæringssjefen svarte slik på Østrems påstand:

«Jeg kan forstå at det kan se slik ut for dem som ikke får tilgang til våre lokale, men vi vurderer det slik at våre argumenter i denne saken er saklige. Vi mener at Foreldre.net må ytre seg et annet sted», sa han til Aftenbladet.

Får ikke leie lokale hos skole: – Ren knebling av ytringsfriheten

Vågen-rektor Gunhild Van Zanten Magnussen har tidlegare skrive i ein e-post til Østrem at Foreldre.net sine verdiar verkar å vere i strid med skulen si plikt til å vere open og inkluderande.

Ho skriv og at organisasjonen sitt føremål strider mot vedtekne læreplanar, noko Østrem nektar for.

– Får mykje støtte

Etter Stavanger Aftenblad omtalte saka har Østrem fått «mange telefonar og meldingar» frå folk med ulike livssyn og politisk tilknyting.

– Det er folk eg aldri har snakka med før, som er opprørt på grunn av det som skjedde i Sandnes nå. Nokon er sjokkerte over at kanselleringskulturen skjer her og ikkje berre i USA. Andre seier dei har fått stadfesta det dei allereie mistenkte.

– Kva er dei opprørt av?

– Ytringsklimaet. Ikkje alle har ikkje tatt stilling til kjønnnsidentitet, men dei meiner folk må få seia det dei meiner utan å bli behandla ulikt. Det er tydeleg at ytringsfridom engasjerer oss alle på tvers av bakgrunn, seier Østrem.

Ber om hjelp

Føredraget 27. mai er nest siste i rekkja av totalt fem Foreldre.net-føredrag i Rogaland denne våren. Av desse er det berre foredraget i Moi, som har vore i eit nøytralt lokale.

Til saman har over 1.000 rogalendingar fått med seg føredraga, ifølgje foreldre.net.

Etter veke 22 tek Østrem ein pause frå foredragsverksemda, fram til hausten, men han har ikkje gitt opp håpet om å finne livssynsnøytrale lokale til framtidige foredrag.

Derfor har han bede gruppeleiar i Rogaland KrF og leiar av opplæringsutvalet i fylket, Ann Kristin Bruns, om hjelp.

Ho kjem til å stille følgjande spørsmål til utvalet 28. mai: «Kva er kriteria for utleige av skulen sine lokale, både juridisk og praktisk?»

– Det er urovekkjande at ein skil mellom ulike organisasjonar, seier Bruns til Aftenbladet.