FILMLEGENDE: Val Kilmer vart særleg kjent på 90-talet då han hadde fleire hovudroller. Bilete er teke i 2014, same året han fekk påvist strupekreft.
Mark Humphrey / AP / NTB
Den kristne filmstjerna Val Kilmer er død
I fleire år har han bedd om lækjedom for helseplagene. Men tysdag måtte Val Edward Kilmer gi tapt.
I 2014 fekk den verdskjende amerikanske skodespelaren Val Kilmer strupekreft. Tysdag døde han, 65 år gammal, i Los Angeles. Det melder VG og fleire andre medium.
Elvis Presley og Batman
Val Edward Kilmer debuterte med hovudrolle i Top Secret (1984). Deretter har han spelt i ei rekke kjende filmar. Han var ein av marineflygarane i kinosuksessen Top Gun (1986), spelte frontfigur Jim Morrison i The Doors (1991), var Presley i i True Romance (1993) og Batman i filmen Batman forever (1995).