Astrid Dalehaug Norheim
– Det blir ein hard kamp
KrF ligg historisk lågt på meiningsmålingane, men har fått auka oppslutning etter kranglinga med Frp. – Vi har berre svart på deira åtak, seier Knut Arild Hareide.
Det var høglytt og sveitt under KrFs valkampopning på leikelandet Baluba i Åsane i Bergen i dag. Framfor ein tettpakka tilhøyrarskare kravde partileiar Knut Arild Hareide svar frå dei andre partia på verdiutfordringane dei gav før helga, men der dei ikkje er nøgde med svara frå dei andre partia:
– Difor spør eg i dag: Kan dei andre partia kan garantere at det ikkje blir diskusjon om skulegudsteneste? At søndagen framleis blir ein annleis dag? At borna framleis skal lære om kristendommen og dei andre verdiane gjennom KRLE-faget i skulen? At dei aldri vil tillate at menneskeverdet skal graderast gjennom å opne for aktiv dødshjelp? At menneske blir brukt som salsvare gjennom å opne for kjøp av sex? Og til slutt at dei stiller opp for fattige og forfølgde? spurde Hareide til stor applaus.
LES: Hareide kritiserer andre for å utnytte kristne verdier
